Uzkudunek enpresa eta erakundeak jo ditu heriotzaren erantzule, amianto partikulak irensteagatik inolako neurririk ez hartzeagatik. Amiantoaren erruz azaleratutako gaixotasunak oldean ari dira hedatzen, gehienak erretiroa hartu ondoren. Amiantoaren biktimen elkartearen esanetan, altzairutegi edota galdategietan lan eginikoen artean «geroz eta agerikoagoak» dira arnas gaixotasunak: enfisemak, biriketako minbiziak eta biriketako EPOC gaitz butxatzaile kronikoak dira ohikoenak. Erretzearekin lotzen dira maiz, baina Asviamiek izurritetzat jo ditu, eta herritarrei eskatu die sala dezatela urraketa oro.
