Duela hamarkada bat sortzaileek kaleratutako manifestu batean zioten ez zutela nahikoa euren lanak saltzea. Nahi zutela literaturaz eta musikaz hitz egin. Nahi zutela irakurle eta entzuleek esateko dutena entzun. Nahi zutela euskal kulturaren helburu estrategikoez iritzia eman. Eta hala sortu zen Ahotsenea. Lutxo Egia, egungo arduradunak, esan digunez gune honek ekarpen handia egin die sortzaileei. Goizeko 11tatik 20tara oholtza gainera igoko diren musikarien eskaintza izango da, baina baita galdera erantzunak ere. Gainera, Ahotseneak Landakon duen gunean hausnarketarako parada emango du.
Category Archives: Kultura eta artea
Bilbo nazioarteko film laburren eta dokumentalen erakuslehio Zinebiren eskutik
Ostiralean hasi zen Zinebi, Bilboko Dokumentalen eta Film Laburren Nazioarteko Zinemaldia. 59. edizioaz hitz egin du Vanesa Fernandez programatzaileak eta aurki zuzendari izango denak. 32 herrialdetako 62 filmek hartuko dute parte sekzio ofizialean, fikzioan, dokumentalean eta animazioan lehiatuko dira urrezko eta zilarrezko Mikeldi sariak lortzeko. Baina sekzio ofizialaz gain, sekzio askoz gehiago ditu Zinebik, tartean Ohorezko Mikeldi sariak.
Beñat Gaztelumendi: “Gogoa dut Maulen erakutsi ez nuena Amurrion erakusteko”
Bertsolari Txapelketa Nagusiko finalaurrekoen lehen itzuliko Maule-Lextarreko saioan Beñat Gaztelumendi gailendu zen 694,5 punturekin. “Saio urduria” izan zela aitortu digu, kosta zitzaiola bere burua aurkitzea, baina zortziko txikitik aurrera “gustora eta seguru” aritu zen. “Brilloa faltatu zitzaidan” esan du. Txapelketa honetan finalaurrekoetan sartu da lehian Gaztelumendi, eta hori nabaritu du. “Amorratzen” dago Amurrion kantatzeko.
Udazkeneko Munduko Poesia Kaierak: Nakahara, de Castro eta Heaney
Susa argitaletxearen eskutik, Munduko Poesia Kaierak berria kaleratu da. Dagoeneko 24 idazle ekarri dituzte euskarara, 2014ko udaberrian martxan jarri zenetik. Udaberrian 25. Kaiera kaleratuko dute eta berezia izango dela aurreratu digu Beñat Sarasola zuzendariak. Chuya Nakahararen antologia itzuli du Hiromi Toshidak, Rosalia de Castrorena Koldo Izagirrek eta Seamus Heaneyrena Xabi Bordak. Bidenabar, Sautrela saioaren amaierari buruz galdegin diogu Sarasolari.
“Booktegik euskarazko irakurzaletasuna bultzatzea du helburu”
Euskarazko kalitatezko liburuak doaan deskargatu eta gailu elektronikoetan irakurtzeko aukera ematen du Booktegi.eus atariak. Sei hilabete dira martxan jarri zenetik. 60 bat liburu daude eskuragarri eta astero bat igotzen dute. Guzti honen sustatzailea da Aritz Branton filologo eta itzultzailea. Zazpi mila bat erabiltzaile eta zortzi mila bat deskarga izan direla eta sei hilabete hauetan, oso pozik mintzatu zaigu Branton.
Miren Amuriza “Bakarkakoan disfrutatu egin nuen”
Miren Amuriza 700,5 punturekin gailendu zen larunbatean Zallako kanporaketan. Finalerdietarako zuzeneko sailkapena lortu du berriztarrak. “Sentsazio onak” ditu larunbatean eginiko saioaz, “behetik gora” egin zuela uste du. “Burbuila batean” egongo balitz bezala, “oso kontzentratuta” egon zen Amuriza. Oholtzan eta sailkapenean emakume bertsolariak erakusten ari diren maila eta presentzia goraipatu ditu.
Oihana Iguaran “Harritu nintzen garailea ni nintzela esan zutenean, besteak ere oso goitik aritu zirelako”
Oihana Iguaran gailendu zen Leitzako kanporaketan. 714 puntu erdietsita Durangoko saiorako sailkatu da. Pozik mintzatu zaigu igandean egindako saioarekin, betez ere Agin Laburu eta Iñaki Apalategi oso goitik aritu zirela uste duelako. Lan guztietan zerbait esatea zuen helburu Iguaranek.
Telmo Esnal (Dantza): “Zailena finantziazioa ari da izaten”
Euskal dantzak sinbolo eta metafora hartuta, sormenezko film libre bat osatu nahi izan du Esnalek, bizitzaren zikloaren istorioa eta gizakiaren garapena erakutsiz. Proiektu hau Glocal in progress izeneko atalean dago Zinemaldian. Oraindik postprodukzio fasean dauden filmak dira, eta ekoizle, banatzaile, eta profesional ezberdinen aurrean aurkeztuko dute. Datorren urterako nahiko luke amaituta izan, baina hori “denborak” esango du.
Aitor Arregi (Handia): “Handia egiterakoan dena eman dugu”
Aitor Arregi, Handia filmeko zuzendarietako bat saio berezian izan dugu. Pozik daude emaitzarekin, baina aitortu du ezinezkoa dela guztiei gustatzea, hori seinale ona ere ez litzatekeelako. Lantaldeak “duen guztia eman du” Arregiren esanetan. Bi anaien “erlazio sinesgarria” egitea izan da erronkarik handiena zuzendariarentzat. Erpin ezberdinetako istoria kontatzea izan dute xede, biak oso ezberdinak, bata kontserbadorea eta bestea mundua ezagutzeko desiotan.Loreaken aurrekontua hirukoizten du, baina hori ere “erlatiboa” da. “Hau bertze herrialde baten aurrekontu hirkoitza litzateke” gehitu du.
Kulturartekotasuna Atlantikaldia jaialdian
Bihartik igandera arte Errenterian Atlantikoak lortzen dituen herrien topaleku izango da. Eszena eta kultura ezberdinak batuko dira adierazpen artistiko ezberdineik. 70 ekitalditik gora antolatu dituzte Atlantikaldian. Musikak du pisu nabarmena, bertako eta nazioarteko artista ezagunak egongo baitira. Baina Laura Landa Atlantikaldiako zuzendariak eta Jon Maya Kukai dantza taldekoak nabarmendu digutenez, kulturartekotasuna gastronomia, erakusketa, tailer eta dantza emanaldiekin loratuko da.