Maider Aramendi (EBEL): “Emakume baserritarrek aitortza sozial eta politikorik ez dute”

Egoera oso larria dela esan digu Gipuzkoako EHNE sindikatuaren baitako Emakume Baserritarren Elkarteko Maider Aramendik. Hamarretik emakume bakarra da baserritar profesionala, nahiz eta hamarretik zazpik egiten duten lan baserrian. Honi gehitu behar zaio emakume baserritarrengan erortzen den etxeko zaintza lana. Baserria beheruntz doa Aramandiren esanetan. Emakumeen egoera hobetu ezean, eta erakundeek behingoz hitz politetatik ekintzetara pasa ezean, hau bukatu egingo dela esan digu.

Amantalok ere greban! Amantalok balkoira!

Zentimo ziztrin batzuen truke sortu ninduten. Maitasunaz ezer gutxi dakien fabrika zahar, gris, handi eta inpertsonal hartan. Garbitzeko, pertsonak zaintzeko, sukaldetzeko eta inork bete nahi ez dituen lan horiek egiteko erabili naute gaur arte. Lan zikinak egiteko. Inork ikusi, baloratu eta egin nahi ez dituenak. Gutxi ordaindutakoak, edo ezer ez.

Ana Elena Altuna [Ongi Etorri Errefuxiatuak]: “Herriak egiten du instituzioek egin beharko luketena”

Bilboko portuan Portsmoutherako ferrya hartu nahi duten migratzaileen kanpalekua hustu dute goizean Espainiako Poliziak eta Bilboko Portu Agintaritzak elkarlanean. Poliziaren hainbat furgoi agertu dira, eta kanpalekuan zeuden gazteak identifikatzen hasi dira: izen-abizenak galdetu eta pasaportea eskatu dizkiete. Bertan zeuden Ongi Etorri Errefuxiatuak plataformako kideek salatu dutenez, gutxienez sei Bilboko Immigrazio Bulegora eroan dituzte.

Bizitza zein kontsumo eredu berriak jorratzeko Aiaraldeko Azoka Soziala

Asteburuan Laudion Aiaraldeko Azoka Sozialaren lehen edizioa egingo dute, ‘Kontsumitzen duguna gara, bizitzeko alternatibak’ lemapean. Bizitza zein kontsumo alternatibak izango dira hizpide, mota horretako proiektuak garatzeko asmoa baitute eskualdean. Larunbatean tokiko ekoizleen eta proiektu eraldatzaileen azoka egingo dute. Aurkezpen maratoia ere prestatu dute, bizitzako hainbat esparrutan eragiten duten egitasmoak ezagutzera emateko: moneta sozialak, etxebizitza komunitarioak, energia berriztagarriak, eskola jantokiak, banku eta kreditu entitate etikoak esaterako.

Urko Apaolaza: “Soldata baxuak eta ordu asko lanean pasatzen dituzte AHT egiten ari direnek”

Zuloan: bidaia bat AHT eta lan-esplotazioan barrena izeneko liburua kaleratu zuen Urko Apaolazak kazetariak, ELA sindikatuaren Manu Robles-Arangiz fundazioarekin elkarlanean. Aldi baterako enpresa taldeak ari dira eraikuntza zati ezberdinak egiten. Hauek lanak azpikontratatu eta azken hauek beste enpresa bat azpikontratatzen dute. Oso baldintza txarretan, askok ez dute euren eskubideen berri eta gainera alde guztiak dira horren jakitun.

Datu ofizialen arabera, 16.400 emakumek salatu zuten bortxaketa iaz Frantziar Estatuan

Biarritzeko FIPA jaialdian Israel herrialde gonbidatu izateak sortu duen haserreaz aritu gara GARAko kazetari Idoia Erasorekin. Bestetik, Frantziako Barne Ministroak 2017an izan diren bortxaketa salaketen zenbatekoa azaleratu ondoren, egoeraz erradiografia egin digu Erasok.

Azkenera arte erresistentzian jarraituko dute Tosun

Getxoko Andra Mari auzoan, metroko geltokiaren ondoan aparkalekua egin eta ondoren hasiko den “pelotazo urbanistikoa” geratzeko erresistentzian dira Tosukoak. Hodeiek esan digunez, astelehenean ertzaintza eta hondeamakinak agertu ziren lursailaren inguruan hesi berri bat eraikitzera. Pertsona bat kateatu zen une hartan. “Erakunde eta eraikuntza enpresen interesak baztertu eta nekazal ingurunea babesteko borrokan” jarraituko dutela esan digu Hodeik.

Eskoletako desorekei eta mikromatxismoei aurre egiteko Unitate Didaktikoa

‘Eskola, erasorik gabeko espazioa’ izeneko Unitate Didaktikoa kaleratu du STEILAS sindikatuak. Nagore Iturrioz, sindikatuko Emakume Idazkaritzako kidearen esanetan, hezkuntza zentroetan ere indarkeria matxista existitzen da, “jendartearen ispilu” direlako. Zentzu horretan, jarrera diskriminatorioak minimizatzen dituztela helduek ohartarazi du Iturriozek. Eskola-komunitatea espazio barne hartzailea bilakatu eta guztientzat seguru bilakatzea du asmoa Unitate Didaktikoak.

Nafarroak “behar duen trenari buruzko eztabaida soziala zabaldu eta AHT geldiarazteko” dinamika martxan da

Espainiako Sustapen Ministeritzak Alesbes eta Erriberri arteko AHT egiteko lurren desjabetzeen izapideak abian jarri ditu. Hori “inposaketa” dela uste dute bat egin duten eragile sozial, sindikal eta politikoetako ordezkariek. Ekimen honen kontra egiteaz gain, lurraldeak “behar lukeen trenari buruzko eztabaida soziala” jarriko dute abian. Horren abiapuntu azaroaren 11ean Iruñean egingo duten manifestazioa izango da Julio Villanuevak esan digunez.

Bortizkeria politikoaren eta polizialaren jardunaldiak Baionako gaztetxean

Baionako Zizpa Gaztetxean indarkeria poliziala eta bortizkeria politikoaren jardunaldiak ari dira egiten. Hori oinarri, indarkeria polizialak eta gatazkaren ondorioek Ipar Euskal Herrian izan duten eta egun duten sozializazioaz mintzatu dira tertulian Idoia Eraso eta Ihintza Arrieta kazetariak. Bestetik, Hendaiako topo geltokia handitzeko iragarri dituzten lanak aitzakiatzat hartuz, hiru euskal lurralde hauetan garraio publikoak dituen erabateko gabeziez hitz egin digute bi kazetariek.